Tugtar cuireadh do lucht tacaíochta, na meáin agus don phobal a bheith in éineacht le Catherine Connolly agus a feachtas Uachtaránachta á seoladh aici Dé Luain seo ag teacht ag An Coimpléasc, Margadh na Feirme, BÁC 7.

Beidh na cúiseanna go bhfuil sí ina hiarrthóir agus a fís don Uachtaránacht á gcur in iúl ag Catherine in óráid na hoíche.

Beidh cur i  láthair ó lucht tacaíochta iomráiteach a feachtais freisin, ina measc beidh ionadaithe ó na Daonlathaithe Sóisialta, Páirtí an Lucht Oibre, Daoine Seachas Brabús agus ionadaithe neamhspleácha.

Is imeacht saor in aisce é seo atá oscailte don phobal ach tá teora leis an méid ticéad atá ar fáil. Is fearr clárú ar líne chomh luath agus is féidir más mian leat a bheith i láthair.

Beidh earraí bolscaireachta don fheachtas ar díol.